Мазкур жаҳон чемпионатининг уч куни ортда қолди. Кеча мусобақада -86 кг вазнда баҳсларда қатнашган терма жамоамиз аъзоси Жавраил Шапиев Париж-2024 ёзги Олимпиадаси учун йўлланмани қўлга киритди.

Шунингдек, ҳозиргача терма жамоамизнинг 6 нафар аъзоси мусобақадаги иштирокини эрта якунлади. Ушбу жаҳон чемпионати орқали лицензия қўлга кирита олмаган спортчиларимиз келаси йил Қирғизистоннинг Бишкек шаҳрида ўтадиган Осиё Квалификация турнири (12-14 апрель) ва Туркиянинг Истанбул шаҳрида ўтказиладиган Жаҳон квалификация турнири (9-12 май) орқали Париж-2024 ёзги Олимпиадаси йўлланмасини қўлга киритиши мумкин.

Сербиядаги Жаҳон чемпионатида мағлубиятга учраган курашчиларимиз:

-57 кг: Ғуломжон Абдуллаев

-61 кг: Жаҳонгирмирза Туробов

-70 кг: Зафарбек Отахонов

-74 кг: Бекзод Абдураҳмонов

-92 кг: Рустам Шодиев

-125 кг: Сардорбек Холматов.

Шунингдек ҳозирча яна бир неча спортчиларимизда Белграддаги ЖЧдаёқ лицензия қўлга киритиш имконияти сақланиб қолган.