Мусобақанинг марказий жанги ярим ўрта вазн тоифасида ўзбекистонлик аралаш яккакураш устаси Шоҳасан Мирзаматов (10-3-0) ва россиялик Хамзат Чапанов (13-3-0) ўртасида кечди. 3 раундга мўлжалланган жанг 2-раундда Хамзат Чапановнинг ғалабаси билан якунланган эди.

Мазкур ғалабадан сўнг ўзбекистонлик бошқа бир жангчи Бобур Қурбонов Шоҳасан Мирзаматовнинг чиндан ҳам мағлуб бўлганини айтди ва Мирзаматовга қуйидагича мурожаат қилди:

"Ҳақиқий жангни сиз ва мен кўрсатамиз дўстим. Мени сизга душманлигим йўқ, биласиз. Лекин бу спорт ва бизнинг ишимиз", - деб ёзди Бобур Қурбонов.

Эслатиб ўтамиз, Бобур Қурбонов ўтган йилнинг декабрь ойида рус жангчиси Сергей Бобришевни мағлуб этиб, MMA Series чемпионига айланган эди, аммо июль ойида ўтказилган реванш жангида Бобришев баҳсли ғалабага эришди.